काठमाडौं । परराष्ट्रमन्त्री एनपी साउदले हमासको नियन्त्रणमा रहेका विपिन जोशीको रिहाइका लागि सरकारले संवाद गरिरहेको बताएका छन् ।
सिंहदरबारमा शुक्रबार बसेको संसदीय सुनुवाई समिति बैठकमा परराष्ट्रमन्त्री साउदले आफुले शुक्रबार नै इजरायलमा टेलिफोन गरी विपिन जोशीको पछिल्लो अवस्थाबारे जानकारी लिएको बताएका हुन् । शनिबार दोहा फोरममा भाग लिन कतार जान लागेको र हमाससँग सहजीकरण गरिरहेकासँग संवाद गर्ने उनले बताए ।
त्यस्तै, मन्त्री साउदले युक्रेनमा दुईजना युद्ध बन्दी रहेको भन्दै दिल्लीस्थित दूतावबासबाट संवाद भइरहेको जानकारी दिए । उनले रुसले पनि नेपालीहरुको अवस्थाबारे नेपाल सरकारसँग संवाद गरेको र रुसी सेना छाडेर नेपाल आउन चाहनेलाई नेपाल सरकारले आवश्यक सहजीकरण गर्ने बताए । उनले रुसलाई आफ्नो सेनामा नेपाली नागरिकलाई भर्ती नगर्न र भर्ती भएकालाई नेपाल फर्काउन आग्रह गरेको पनि जानकारी दिए ।
प्रतिक्रिया दिनुहोस्