गोरखा । उत्तरी गोरखाको धार्चेमा घरमा आगोलागी हुँदा जलेर २ जनाको मृत्यु भएको छ । गोरखाकको धार्चे गाउँपालिका–१ हुल्चुकमा कान्छी गुरुङको घरमा शनिबार राति आगलागी हुँदा जलेर आमाछोराको मृत्यु भएको हो ।
घरमा सुतिरहेको अवस्थामा आगलागी हुँदा ७८ बर्षीया कान्छी गुरुङ र अपाङ्गता भएका उनका ३९ बर्षका छोरा चनारसिंङ गुरुङको मृत्यु भएको जिल्ला प्रहरी कार्यालय गोरखाले जनाएको छ ।
आगलागीबाट घर पूर्ण रुपमा क्षति भएको र आमा छोराको घरभित्रै जलेको अवस्थामा शव फेला परेको जानकारी आएको उनले बताए । घर न्यानो बनाउन फुकेको आगो फैलिएर आगलागी भएको हुनसक्ने प्रहरीको अनुमान गरिएको छ । घटनाबारे थप अनुसन्धान भइरहेको प्रहरीले जनाएको छ ।
प्रतिक्रिया दिनुहोस्