एजेन्सी । गत अक्टोबर ७ मा हमासले इजरायलमाथि आक्रमण गरेपछि हराइरहेकी २२ वर्षीया जर्मन पर्यटक शानी लुक मृत फेला परेकी छन् । उनको परिवारले यसबारे जानकारी दिएका हुन् ।

जर्मन मिडियासँग कुराकानी गर्दै उनकी आमा रिकार्डा लुकले आइतबार इजरायली सेनाले आफ्नो छोरीको शव फेला पारेको जानकारी दिएको बताइन् । उनको हड्डीको डीएनए र परिवारले पठाएको डीएनएको नमूना मेल खाएको उनको भनाई छ ।

शानीकी दिदी अदीले आफ्नो इन्सटाग्राममा आफ्नो बहिनीको मृत्युप्रति दुःख व्यक्त गरेकी छन् । शानीलाई हमासका लडाकुले गाजाको सीमा नजिकै रहेको नेगेभ मरुभूमिमा आयोजित सुपरनोभा संगीत महोत्सवबाट अपहरण गरेका थिए । सो स्थानमा कम्तीमा २५० जना मारिएका थिए ।

त्यस दिन शानीलाई एउटा कारमा लडाकुहरूले अचेत अवस्थामा घुमाइरहेको देखिएको उनकी आमाले बताएकी थिइन् । उनले छोरीलाई बचाउन गुहार समेत गरेकी थिइन् ।

रुसी सेनामा गएका ६ जना नेपालीको मृत्यु भएको पुष्टि

फिलिपिन्समा ७.६ म्याग्नीच्यूडको भूकम्प

युद्धविराम थप २ दिन लम्ब्याउन इजरायल र हमास सहमत

भ्रष्टाचारको आरोप लागेपछि पोर्चुगलका प्रधानमन्त्रीद्धारा राजीनामा