काठमाडौं । एसियन गेम्स अन्तर्गत महिला फुटबलमा नेपाल जापानसँग फराकिलो गोल अन्तरले पराजित भएको छ ।
सोमबार सम्पन्न खेलमा जापानले नेपाली महिला फुटबल टिमलाई ८-० गोल अन्तरले पराजित गरेको हो ।
जापानले पहिलो हाफमा ५ गोल गरेको थियो भने दोस्रो हाफमा ३ गोल गरेको थियो । फिफाको महिला टिमको वरियतामा जापान आठौँ स्थानमा रहेको छ भने नेपाल १०१औँ स्थानमा रहेको छ ।
एसियन गेम्समा नेपाली महिला फुटबल टिमको लगातार दोस्रो हार हो । नेपाल यसअघि पहिलो खेलमा भियतनामसँग २-० गोल अन्तरले पराजित भएको थियो ।
एशियन गेम्स अन्तर्गत नेपालले आफ्नो समुह चरणको अन्तिम खेल बिहीबार बंगलादेशसँग खेल्ने तालिका रहेको छ ।
प्रतिक्रिया दिनुहोस्