काठमाडौँ । एसिया कप क्रिकेट प्रतियोगिताको बिहीबार खेलिएको ‘सुपर फोर’ चरणको महत्वपूर्ण खेलमा पाकिस्तानले श्रीलंकालाई जितका लागि दुई सय ५३ रनको लक्ष्य दिएको छ । वर्षाका कारण केही समय अवरुद्ध भएपछि ४२ ओभरमा झारिएको खेलमा पाकिस्तानले सात विकेट गुमाएर दुई सय ५२ रनको सम्मानजक स्कोर बनायो ।
पाकिस्तान जारी एसिया कपको आयोजक हो भने श्रीलंका सह—आयोजक । यो खेलमा विजयी हुने टोली प्रतियोगिताको फाइनलमा प्रवेश गर्नेछ । पराजित हुने टोली उपाधि होडबाट बाहिरिने छ । भारत भने यसअघि नै प्रतियोगिताको फाइनलमा पुगिसकेको छ ।
प्रतिक्रिया दिनुहोस्