साङ्केतिक तस्वीर

हेटौंडा । मकवानपुरको एक गाउँमा बलात्कार गरेको आरोपमा एक युवक माथि स्थानीयहरुले घाईते हुने गरि कुटपिट गरेर प्रहरीको जिम्मा लगाएका छन् ।

घटना आईतबार जिल्लाको मनहरी गाउँपालिका वडा नंबर ६ को नयाँबस्तीको हो । स्थानीय २७ वर्षीया महिला माथि जबरजस्ती करणी गरेको भन्दै स्थानीयहरुले २६ वर्षीय कान्छामान रुम्बालाई कुटपिट गरेका हुन् ।

प्रहरीले आरोपित युवकलाई नियन्त्रणमा लिएर उपचार गरेर घटनाको अनुसन्धान सुरु गरेको छ । घटनाको बारेमा जानकारी दिँदै ईलाका प्रहरी कार्यलय मनहरीका प्रहरी निरीक्षक प्रकाश थापा भनेः सुस्त मनस्थितिकी युवतीलाई बलात्कार गरेको भन्दै स्थानीयहरु घाईते हुने गरि कुटपिट गरेछन् । हामीले आरोपित युवकलाई नियन्त्रणमा लिएर हिजौनै चितवन मेडिकल कलेजमा उपचार गरेर,म्याद थप गरेर घटनाको अनुसन्धान सुरु गरेका छौ ।

उनले दिएको जानकारी अनुसार मनहरी-६ को ब्रम्हदेबी सामुदायिक जंगल नजिकै कुलो छेउमा जबरजस्ती करणीको घटना भएको हो ।