बुधबार सेयर बजारको परिसूचक नेप्से १८.७६ अंकले बढेको छ। सो अंकको वृद्धिपछि परिसूचक २४४१ अंकमा पुगेको छ। जुन अंक हालसम्मकै उच्च हो।

यस दिन ८ अर्ब रुपैयाँ बराबरको सेयर किनबेच भएको छ। निर्जीवन बीमा ४६४, माइक्रोफाइनान्स ६७ अंकले बढेको छ। त्यस्तै जीवन बीमा समूह ६.२५ प्रतिशतले बढेको छ।

तिबाहेक अरु समूहहरु घटेका छन्। बैंकिङ १०, होटल २४, विकास बैंक ६, जलविद्युत ४, फाइनान्स ६ र उत्पादन ३३ र अन्य समूह २ अंकले घटेका छन्।

यस दिन नेपाल लाइफ इन्स्योरेन्स, आरम्भ चौतारी लघुवित्त, गुराँस लघुवित्त, सपोर्ट माइक्रोफाइनान्स, प्रभु लाइफ इन्स्योरेन्स, नेसनल हाइड्रोपावरको मूल्य साढे ९ प्रतिशतभन्दा धेरैले बढ्यो।

यस दिन पोखरा फाइनान्सको मूल्य ७ प्रतिशतले घटेको छ। कारोबारका आधारमा नेपाल लाइफ इन्स्योरेन्स अग्रस्थानमा रह्यो। सो कम्पनीको ९३ करोड रुपैयाँ बराबरको कारोबार भयो।

घोषित बोनसपछि मूल्य समायोजन भएको सो कम्पनीको फेरि १० प्रतिशतले बढेको छ। त्यस्तै प्राइम कमर्सियल बैंकको ३७ करोड ९३ लाख रुपैयाँ बराबरको कारोबार भयो।


खबर ब्रेक संवाददाता
खबर ब्रेक संवाददाता
editor@khabarbreak.com
क्रियशन मिडिया एण्ड इमेन्ट म्यानेजमेन्ट प्रालिद्वार सञ्चालित खबरब्रेक डटकम हेटौँडाको पहिलो तथा लोकप्रिय अनलाईन पत्रिका हो ।