file photo

हेटौंडा । राजावादी समूहले भोली बागमती प्रदेशको राजधानी हेटौंडामा राजसंस्थाको पक्षमा शक्ति प्रदर्शन गर्ने भएको छ ।

पछिल्लो दिनहरुमा विभिन्न जिल्लामा ‘राजा आऊ, देश बचाऊ’ को नारा लगाउँदै राजावादी समूहले शक्ति प्रदर्शन गर्दै आएको कार्यक्रम अन्र्तगत भोली हेटौंडामा गर्न लागेको जनाएका छन् ।

सामाजिक संजाल मार्फत अभियानका अभियान्ता सन्तोष राजावादीले भोली मङ्सिर १४ गते कार्यक्रमको आयोजना गर्न लागिएको जानकारी दिएका छन् । उनले भनेका छन्,“भोलि १४ गते १ बजे मकवानपुर हेटौंडाको कार्यक्रममा आउदैछौ,मकवानपुरबासी र नजिकका जिल्लाबासि देशभत्त राजभत्त साथिहरु उपस्थित हुन नभुल्नुहोला।”

समूहले यसअघि पोखरा र जनकपुरमा ‘राजा आऊ, देश बचाऊ’ को नारा लगाउँदै शक्ति प्रदर्शन गरेको थियो । समूहले सोहि कार्यक्रम अन्र्तगत मङ्सिर २० गते चितवनमा कार्यक्रम हुने जनाएको छ ।


खबर ब्रेक संवाददाता
खबर ब्रेक संवाददाता
editor@khabarbreak.com
क्रियशन मिडिया एण्ड इमेन्ट म्यानेजमेन्ट प्रालिद्वार सञ्चालित खबरब्रेक डटकम हेटौँडाको पहिलो तथा लोकप्रिय अनलाईन पत्रिका हो ।