मोरङको सुनबर्षी नगरपालिका–२ बाट शुक्रबार साँझ गाईको बाछी मार्ने एक जनालाई प्रहरीले पक्राउ गरेको छ। सुनबर्षी–२ स्थित सुघा बजारका ३० वर्षीय भूपेन्द्र राईलाई बाछी मारेको आरोपमा पक्राउ गरेको मोरङ प्रहरीका प्रवक्ता डिएसपी मानबहादुर राईले जानकारी दिए।

भूपेन्द्र र उनका जुम्ल्याहा भाइ गजेन्द्रबीच घरायसी विवाद हुँदा भाइले पालेको बाछी मारेको आरोपमा इलाका प्रहरी कार्यालय रंगेलीको टोलीले पक्राउ गरेको जनाएको छ। भूपेन्द्रले बाछीलाई हथौडाले हानेर मारेको र उनलाई नियन्त्रण लिएर थप अनुसन्धान अघि बढाएको डिएसपी राईले जानकारी दिए।


खबर ब्रेक संवाददाता
खबर ब्रेक संवाददाता
editor@khabarbreak.com
क्रियशन मिडिया एण्ड इमेन्ट म्यानेजमेन्ट प्रालिद्वार सञ्चालित खबरब्रेक डटकम हेटौँडाको पहिलो तथा लोकप्रिय अनलाईन पत्रिका हो ।