दोहा । कुवेतमा एक भारतीयले नेपाली महिलाको हत्या गरेका छन् । कुवेतको एक अपार्टमेन्टमा बस्दै आएकी ती महिलाको शव भेटिएपछिको अनुसन्धानमा उनको हत्या भएको खुलेको कुवेतको आन्तरिक मन्त्रालयले जनाएको छ ।

अपार्टमेन्टमा महिला मृत भेटिएको जानकारीपछि अनुसन्धानका लागि पुगेको प्यारामेडिकल टिमसहित पुगेको प्रहरीले गरेको प्रारम्भिक अनुसन्धानमा उनको घाँटी थिची हत्या भएको निष्कर्ष निकालेको छ । ती महिलाको हत्या आशंकामा प्रहरीले एक भारतीय नागरिकलाई पक्राउ गरेको छ ।

पक्राउ परेका ती व्यक्तिले आफ्नी प्रेमिका अर्कै व्यक्तिसँग लागेको पाएपछि हत्या गरेको जनाएको प्रहरीलाई उद्धृत गर्दै अरब टाइम्सले जनाएको छ । प्रहरीले दुबैको परिचय खुलाएको छैन ।


खबर ब्रेक संवाददाता
खबर ब्रेक संवाददाता
editor@khabarbreak.com
क्रियशन मिडिया एण्ड इमेन्ट म्यानेजमेन्ट प्रालिद्वार सञ्चालित खबरब्रेक डटकम हेटौँडाको पहिलो तथा लोकप्रिय अनलाईन पत्रिका हो ।