हेटौंडा/राष्ट्रिय सौन्दर्यकर्मी युनियन नेपाल हेटौंडा उपमहानगरपालिका कमिटीले आफ्नो व्यवसाय संचालन गर्न पाउनुपर्ने माग गर्दै ज्ञापनपत्र पेस बुझाएको छ ।

कोरोना भाईरस (कोभिड-१९)को संक्रमण रोकथामका लागी गरिएको लकडाउन र निषेधाज्ञाका कारण व्यवसाय बन्द रहेको थियो । हाल अन्य व्यवसाय खुला गरिदा पनि आफूहरूले काम गर्न नपाएको भन्दै प्रमुख जिल्ला अधिकारी दिपकराज नेपाललाई ज्ञापनपत्र बुझाएका हुन् ।

युनियनका अध्यक्ष सजिता केसी, सचिव भगवती श्रेष्ठ र जिफन्ट ३ नम्बर प्रदेश सचिव तथा नाबुन इन्चार्ज अर्जुन अर्याल, केन्द्रिय उपमहासचिव अस्मिता श्रेष्ठ, मकवानपुर ईन्चार्ज पुजा बस्नेत लामासहितको टोलीले ज्ञापनपत्र बुझाएका हुन् । उनीहरुको सो टोलीले जिसस प्रमुख रघुनाथ खुलाल, हेटौंडा उपमहानगरपालिका मेयर हरिबहादुर महत र मकवानपुर उद्योग वाणिज्य संघका अध्यक्ष कृष्ण कटुवाललाई पनि ज्ञापनपत्र बुझाएका हुन् ।

सौन्दर्य क्षेत्रमा धेरे महिलाहरु अहिले बरोजगार बन्नुपरेकाले आफ्ना व्यवसाय खुलाउनका लागि उनीहरुले माग गरेका छ्न् । आफुहरुले लगानी गरेको व्यवसाय सञ्चालन गर्न नपाईकन कोठा भाडा मात्र तिर्नुपर्दा थप समस्या परेको उनीहरुको गुनासो छ ।


खबर ब्रेक संवाददाता
खबर ब्रेक संवाददाता
editor@khabarbreak.com
क्रियशन मिडिया एण्ड इमेन्ट म्यानेजमेन्ट प्रालिद्वार सञ्चालित खबरब्रेक डटकम हेटौँडाको पहिलो तथा लोकप्रिय अनलाईन पत्रिका हो ।