एजेन्सी । दक्षिण कोरियामा केही दिनदेखि अत्याधिक वर्षा हुँदा आएको बाढीबाट ३० जनाको मृत्यु भएको छ भने १२ जना बेपत्ता भएका छन् । गत हप्तादेखि मनसुन सक्रिय हुँदा बाढी आएको हो । बाढीका कारण पछिल्ला ३ दिनमा १३ जनाले ज्यान गुमाएका छन् भने २ जना बेपत्ता भएका छन् ।

बाढीका कारण देशभरका ११ प्रान्तमा ६ हजार परिवार घरवार विहीन भएका छन् । ४ हजार ६ सय परिवारलाई सुरक्षित स्थानमा सारिएको छ ।

बाढीले देशभर ९३ हजार हेक्टर जमिन डुबेको छ । कोरियाली प्रायद्वीपमा आज आउनसक्ने सामुद्रीक आँधीका कारण थप वर्षा हुने भएकाले सतर्क रहन यहाँको सरकारले सबैलाई अपील गरेको छ ।

आँधीले कोरियाली प्रायद्वीपको दक्षिणी क्षेत्रमा बढी प्रभाव पार्ने बताईएको छ । आँधीपछि अत्यधिक वर्षा हुने भएकाले थप सतर्क रहन आग्रह गरिएको छ ।


खबर ब्रेक संवाददाता
खबर ब्रेक संवाददाता
editor@khabarbreak.com
क्रियशन मिडिया एण्ड इमेन्ट म्यानेजमेन्ट प्रालिद्वार सञ्चालित खबरब्रेक डटकम हेटौँडाको पहिलो तथा लोकप्रिय अनलाईन पत्रिका हो ।