हेटौंडा । हेटौंडाबाट रड बोकेर पूर्वी मकवानपुर जाँदै गरेको ट्याक्टर हटियामा दुर्घटना हुँदा दुई जनाको मृत्यु भएको छ ।

मृत्यु हुनेमा बागमती गाउँपालिका वडा नंबर ६ का वर्ष ५५ का शंखर लोप्चार र बागमती गाउँपालिकाकै वडा नंबर ८ का वर्ष १७ का शुजल नेगी रहेको जिल्ला प्रहरी कार्यलय मकवानपुरले जनाएको छ ।

यस्तै अर्का घाईते मनोज जिम्बाको हेटौंडा अस्पतालमा उपचार भईरहेको छ । तीनै जना ट्याक्टरमा सवार थिए ।

ट्याक्टर चालक भने फरार रहेको प्रहरीले जनाएको छ । आज (सोमबार) दिउँसो हेटौंडाबाट रड बोकेर पूर्वी मकवानपुरको फापरबारी जाँदै गरेको ना ५ त ८०८८ नंबरको ट्याक्टर दुर्घटना भएको हो ।


खबर ब्रेक संवाददाता
खबर ब्रेक संवाददाता
editor@khabarbreak.com
क्रियशन मिडिया एण्ड इमेन्ट म्यानेजमेन्ट प्रालिद्वार सञ्चालित खबरब्रेक डटकम हेटौँडाको पहिलो तथा लोकप्रिय अनलाईन पत्रिका हो ।