साङ्केतिक तस्वीर

बारामा बिहीबार बिहान चट्याङ लागेर दुई जनाको मृत्यु भएको छ। पाँच जना घाइते भएका छन्। बिहान परेको पानीसँगै खसेको चट्याङले लागेर फेटा गाउँपालिका १ त्रिवेणी गाउँका ३० वर्षिया सिन्दु देवी र ४० वर्षिया सुनरपती देवीको मृत्यु भएको ईलाका प्रहरी कार्यालय प्रसौनीका प्रहरी निरीक्षक ओम प्रकाश यादवले जानकारी दिए।

मृतक दुवै जना महिला बिहान ७ बजे धान रोपाइँका लागि खेततिर गएको बेला चट्याङले लागेर मृत्यु भएको हो। उनीहरुसँगै खेतमा गएका ५ जना पुरुष पनि घाइते भएको प्रहरी निरीक्षक यादवले बताए।


खबर ब्रेक संवाददाता
खबर ब्रेक संवाददाता
editor@khabarbreak.com
क्रियशन मिडिया एण्ड इमेन्ट म्यानेजमेन्ट प्रालिद्वार सञ्चालित खबरब्रेक डटकम हेटौँडाको पहिलो तथा लोकप्रिय अनलाईन पत्रिका हो ।