असार १७ – प्रतिनिधिसभा बैठक शोक प्रस्ताव पारित गर्दै स्थगित भएको छ।

बुधबार दिउँसो १ बजे बसेको संसद बैठक कांग्रेस सांसद ज्ञानकुमारी छन्त्यालको निधनप्रति शोक प्रस्ताव पारित गर्दै स्थगित भएको हो। मुटुसम्बन्धी रोगबाट पीडित सांसद छन्त्यालको बुधबार बिहान उपचारका क्रममा गंगालाल राष्ट्रिय हृदयरोग केन्द्रमा निधन भएको थियो।

बागलुङकी कांग्रेस नेतृ छन्त्याल कांग्रेसको तर्फबाट समानुपातिक सांसद बनेकी थिइन्। प्रतिनिधिसभाको अर्को बैठक असार २२ गते १ बजे बस्नेछ।

यस्तै, राष्ट्रियसभा बैठक पनि सांसद छन्त्यालको निधनप्रति शोक प्रस्ताव पारित गर्दै बिहीबार दिउँसो १ बजेसम्मका लागि स्थगित भएको छ।


खबर ब्रेक संवाददाता
खबर ब्रेक संवाददाता
editor@khabarbreak.com
क्रियशन मिडिया एण्ड इमेन्ट म्यानेजमेन्ट प्रालिद्वार सञ्चालित खबरब्रेक डटकम हेटौँडाको पहिलो तथा लोकप्रिय अनलाईन पत्रिका हो ।