प्रमुख प्रतिपक्षी दल नेपाली कांग्रेसका सभापति शेरबहादुर देउवाले सरकारले शासन गर्ने राजनीतिक र नैतिक आधार गुमाएको बताएका छन् । बजेट अधिवेशनको पहिलो दिन आज प्रतिनिधिसभा बैठकमा बोल्दै देउवाले सरकारमाथि यस्तो आरोप लगाएका हुन् ।

सरकारले कोरोना नियन्त्रणका लागि कुनै रणनीति नै नबनाएको भन्दै देउवाले अत्यन्त विषम अवस्थामा भ्रष्टाचारको विषय सार्वजनिक हुनु ले सरकार लोकतान्त्रिक मूल्य मान्यता र संविधानको भावना विपरित लागेको बताए ।

देउवाले कोरोनाका कारण विदेशमा रहेका नेपालीको उद्धारमा सरकारले कुनै योजना नबनाएको भन्दै आपत्ति जनाए । कोरोनाबाट हुने क्षतिको अध्ययन गरी तत्कालै दीर्घकालीन रणनीति बनाउन सरकार चुकेको देउवाको आरोप थियो ।


खबर ब्रेक संवाददाता
खबर ब्रेक संवाददाता
editor@khabarbreak.com
क्रियशन मिडिया एण्ड इमेन्ट म्यानेजमेन्ट प्रालिद्वार सञ्चालित खबरब्रेक डटकम हेटौँडाको पहिलो तथा लोकप्रिय अनलाईन पत्रिका हो ।