हेटौँडा,बागमती प्रदेश सरकारले कोरोना नियन्त्रण तथा रोकथाम गर्न प्रदेशभित्रका विभिन्न सरकारी अस्पताल तथा निकायलाई नौ करोड ९३ लाख रूपैयाँ निकासा गरेको छ। मुख्यमन्त्री तथा मन्त्रिपरिषद्को कार्यालयका अनुसार प्रदेश सरकारले भरतपुर कोरोना विशेष अस्पताललाई एक करोड, रत्ननगर नगरपालिकामार्फत् गुञ्जमान अस्पताललाई २० लाख, धुलिखेल नगरपालिकामार्फत् धुलिखेल अस्पताललाई २० लाख रूपैयाँ निकासा गरेको हो।

सामाजिक विकास मन्त्रालयमार्फत् स्वास्थ्य आपूर्ति व्यवस्थापन केन्द्रलाई तीन करोड ७७ लाख, हेटौँडा अस्पताललाई ५१ लाख, भक्तपुर अस्पताललाई ४१ लाख, धादिङ अस्पताललाई ३१ लाख, त्रिशुली र सिन्धुली अस्पताललाई पनि ३१/३१ लाख निकासा गरेको हो।

त्यसैगरी, स्वास्थ्य निर्देशनालयलाई २२ लाख, जिल्ला स्वास्थ्य कार्यालय मकवानपुरलाई २२ लाख, चौतारा अस्पताललाई २१ लाख गरी रूपैयाँ निकासा गरिएको प्रदेश सरकारका प्रवक्ता आर्थिक मामिला तथा योजनामन्त्री कैलाशप्रसाद ढुङ्गेलले जानकारी दिए। रासस


खबर ब्रेक संवाददाता
खबर ब्रेक संवाददाता
editor@khabarbreak.com
क्रियशन मिडिया एण्ड इमेन्ट म्यानेजमेन्ट प्रालिद्वार सञ्चालित खबरब्रेक डटकम हेटौँडाको पहिलो तथा लोकप्रिय अनलाईन पत्रिका हो ।