मकवानपुर,मकवानपुरमा आगामी चैत्र महिनामा दादुरा रुवेला खोप अभियान सञ्चालन हुने भएको छ । मंगलबार जिल्ला खोप समन्वय समिति एवम् जिल्ला समन्वय समिति मकवानपुरका प्रमुख रघुनाथ खुलालको अध्यक्षतामा बसेको बैठकले चैत महिनामा पाँचाँै राष्ट्रिय दादुरा रुवेला खोप अभियान सञ्चालन गर्ने निर्णय गरेको हो ।

स्वास्थ मन्त्रालयको राष्ट्रिय कार्यक्रम अनुसार नै मकवानपुरमा अगामी चैत १ देखि ३० गतेसम्म अभियान सञ्चालन हुने उहाँले जानकारी दिनुभयो । पहिलो चरणमा प्रदेश नं १, २, ५ मा फागुन महिना भरी अभियान संचालन भईरहेको र दोस्रो चरणमा बागमती प्रदेश, गण्डकी, कर्णाली सुदूरपश्चिम प्रदेशमा खोप अभियान सञ्चालन गर्ने सरकारको तयारी अनुसार नै मकवानपुरमा आगामी चैत्र महिनामा सो अभियान संचालन हुने उहाँले जानकारी दिनुभयो ।

अभियानमा ९ महिना देखि ५ वर्ष मुनीका सम्पुर्ण बालवालीकालाई जिल्ला स्थित स्वास्थ्य संस्थाहरु मार्फत दुई चरणमा खोप अभियान संचालन गर्ने निर्णय भएको प्रमुख खुलालले जानकारी दिनुभयो ।  त्यस्तै बैठकले जिल्ला स्थित सरकारी तथा गैरसरकारी संघ संस्थाले अभियानका बारेमा आ–आफ्नो मातहतका कार्यालयलाई जानकारी गराउने तथा जिल्ला स्थित स्थानीय तहहरुलाई जिल्ला समन्व्य समितिले अभियान बारे पत्राचार मार्फत जानकारी गराएर समन्वय गर्ने निर्णय भएको छ । साथै अभियानलाई सफल बनाउन जिल्ला स्थित संचार माध्यमहरु मर्फत व्यापक प्रचार प्रसार गर्ने निर्णय भएको प्रमुख खुलालले जानकारी दिनुभयो । साथै उहाँले आगामी चैत्र महिनामा सञ्चालन हुने दादुरा रुवेला खोप अभियानलाई सफल बनाउन सबैलाई आग्रह समेत गर्नुभएको छ ।


खबर ब्रेक संवाददाता
खबर ब्रेक संवाददाता
editor@khabarbreak.com
क्रियशन मिडिया एण्ड इमेन्ट म्यानेजमेन्ट प्रालिद्वार सञ्चालित खबरब्रेक डटकम हेटौँडाको पहिलो तथा लोकप्रिय अनलाईन पत्रिका हो ।