सुनको भाउमा नयाँ रेकर्ड,कति छ आजको मुल्य ?

फागुन ९ – नेपाली बजारमा सुनको मुल्य निरन्तर बढेको छ । नेपाल सुनचाँदी व्यवसायी महासंघका अनुसार शुक्रबार तोलामा ५ सय रुपैयाँ बढेर ७८ हजार १ सय रुपैयाँ पुगेको छ ।

फागुन १ गते तोलामा ७६ हजार रुपैयाँमा कायम भएको सुनको भाउ नौ दिनमै तोलामा २१ सय रुपैयाँ बढेको हो ।

चीनबाट सुरु भएको कोरोना भाइरस विश्वमै फैलिएपछि सुनको माग बढेको र भाउ अझै बढ्ने संकेत देखिएको महासंघले जनाएको छ ।

सुनको भाउ बढेसँगै कारोबार घट्दै गएको व्यवसायीले बताएका छन् ।