file photo

मंसिर १ –सत्तारुढ नेपाल कम्युनिष्ट पार्टी (नेकपा) को सचिवालय बैठक आज बस्दैछ ।

नेकपाको सचिवालय बैठक प्रधानमन्त्री निवास बालुवाटारमा दिउँसो ४ बजे बस्ने भएको हो । शनिबार ग्रान्डी अस्पतालमा तेस्रो पटक डायलासिस गरेका प्रधानमन्त्री केपी शर्मा ओलीले आइतबार सचिवालय बैठक बोलाएका हुन्।

आज बस्ने सचिवालय बैठकमा पार्टी एकतासँग जोडिएका बाँकी विषयबारे छलफल गरी निष्कर्षमा पुग्ने बताइएको छ । तत्कालीन एमाले र माओवादीबीच पार्टी एकता भएर बनेको नेकपाभित्र विभिन्न कमिटी, विभाग र संगठन गठनसम्बन्धी कामले पूर्णता पाउन बाँकी नै छ ।

नेकपाले प्रवास कमिटी अझै गठन गर्न सकेको छैन । त्यस्तै केन्द्रीय विभाग, जनसंगठन र आयोगहरूले पूर्णता पाएका छैनन्।


खबर ब्रेक संवाददाता
खबर ब्रेक संवाददाता
editor@khabarbreak.com
क्रियशन मिडिया एण्ड इमेन्ट म्यानेजमेन्ट प्रालिद्वार सञ्चालित खबरब्रेक डटकम हेटौँडाको पहिलो तथा लोकप्रिय अनलाईन पत्रिका हो ।