हेटौंडा । प्रदेश नम्बर–३ को लोक सेवा आयोगको अध्यक्षमा पूर्व सचिव सुरेशमान श्रेष्ठलाई नियुक्त गर्नका लागि सिफारिस गर्ने निर्णय गरिएको छ । नेपाल सरकारको निजामती सेवामा ३२ वर्ष तीन महिना काम गर्नु भएका श्रेष्ठलाई प्रदेश ३ का मुख्यमन्त्री डोरमणि पौडेल, सभामुख सानुकुमार श्रेष्ठ र प्रमुख प्रतिपक्ष दलका नेता इन्द्र बहादुर बानियाँले प्रदेश लोक सेवा आयोगको अध्यक्षमा नियुक्त गर्नका लागि सिफारिस गर्ने निर्णय गर्नु भएको हो ।

यो निर्णय कार्तिक २७ गते बुधबार गरिएपनि प्रदेश सरकारले बाहिर भने ल्याएको छैन । अध्यक्षमा सिफारिस गरिएपनि महिला सहित दुईजना सदस्य भने प्रदेश सरकारले सिफारिस गर्न वाँकी छ । आयोगको अध्यक्षमा सिफारिस गरेसंगै प्रदेश ३ सरकारका संरचना र स्थानीय तहमा कर्मचारी भर्ना गर्ने बाटो समेत खुल्ने छ ।


खबर ब्रेक संवाददाता
खबर ब्रेक संवाददाता
editor@khabarbreak.com
क्रियशन मिडिया एण्ड इमेन्ट म्यानेजमेन्ट प्रालिद्वार सञ्चालित खबरब्रेक डटकम हेटौँडाको पहिलो तथा लोकप्रिय अनलाईन पत्रिका हो ।