कात्तिक २१ – तीनदिने नेपाली चलचित्र महोत्सव आजबाट वीरगन्जमा सुरु भएको छ ।

‘तराई, पहाड, हिमालको उत्सव नेपाली चलचित्रको स्वर्णिम महोत्सव’ भन्ने मूलनाराका साथ सुरु भएको महोत्सवमा नेपाली र भोजपुरी भाषाका गरी ६ वटा चलचित्र प्रदर्शन गरिने आयोजक समितिका संयोजक विमल पौडेलले जानकारी दिए ।

महोत्सव शुभारम्भ पूर्व आज वीरगन्जमा झाँकीसहित र्‍याली निकालिएको छ ।

नेपाली भूमीमा चलचित्र निर्माण थालिएको ५३औँ वर्ष पुगेको अबसरमा नेपाल चलचित्र निर्माता संघले आयोजना गरेको महोत्सवले तराई–मधेशमा लुकेर बसेका पात्रलाई मूलधारमा ल्याउने विश्वास आयोजकको छ ।

चलचित्र महोत्सवमा नेपाली सिने जगतका नयाँदेखि पुराना कलाकार सहभागी भएका छन् ।

महोत्सवको औपचारिक उद्घाटन भने राष्ट्रपति बिद्यादेवी भण्डारीले गर्ने कार्यक्रम छ ।


खबर ब्रेक संवाददाता
खबर ब्रेक संवाददाता
editor@khabarbreak.com
क्रियशन मिडिया एण्ड इमेन्ट म्यानेजमेन्ट प्रालिद्वार सञ्चालित खबरब्रेक डटकम हेटौँडाको पहिलो तथा लोकप्रिय अनलाईन पत्रिका हो ।