आफ्नो जीवनसाथीको मोबाइल फोनमा जासूसी गर्ने बानी सामान्य हो । यसमा पनि सबैभन्दा बढी यस्तो बानी महिलामा हुन्छ ।

युनिभर्सिटी अफ ब्रिटिस कोलम्बिया र युनिभर्सिटी अफ लिस्बनको एक संयुक्त अध्ययनले अधिकांश मानिसले आफ्ना साथी तथा जीवनसाथीको फोन चेक गर्ने गरेको पत्ता लागेको छ ।

यसो गर्नुको पछाडि मुख्य रुपमा जलन हुनु देखिएको छ । साथै आफ्नो जीवनसाथीसँग दोस्रो व्यक्तिको सम्बन्ध विस्तार नहोस् भन्ने चाहनाका कारण यसो गर्ने गरेको देखिएको छ ।

अध्ययनले के देखाएको छ भने अधिकांश मानिसलाई आफ्ना साथी, प्रेमी, जीवनसाथीले फोन चेक गर्नलाई अनेक रुपमा निहुँ खोजे पनि घुर्की लाए पनि उनीहरु त्यस्तो कुरालाई इन्कार गर्न सक्दैनन् ।

सुरुमा फोन चेक गर्न नदिएजस्तो गरेपनि त्यसो नगर्न उनीहरुले आफ्ना प्रेमी तथा जीवनसाथीलाई रोक्दैनन् । यद्यपि, केही मानिस भने यस्तो कुरालाई मन पराउँदैनन् । आफ्नो फोन अरुलाई चेक गर्न नदिएकै कारण उनीहरुको सम्बन्ध टुट्ने पनि सक्छ ।

४५ प्रतिशत सम्बन्ध टुट्छन्, ५५ प्रतिशतले गर्छन् सम्झौता

यो अध्ययन सानो रुपमा गरिएको थियो । यद्यपिले यसबाट प्राप्त नतिजाले भने सबैलाई चकित पारेको थियो । अध्ययनमा १०२ जना मानिसलाई सहभागी गराइएको थियो ।

उनीहरुलाई आफ्नो जीवनसाथीले अथवा आफूले फोनमा निगरानी राखेको घटना भन्न लगाइएको थियो । यसका साथै अर्को कुरा पनि भन्न लगाइएको थियो कि, आफ्नो जीवनसाथीको अनुमति बिना नै फोन चेक गर्ने तथा हेर्ने गर्दा सम्बन्ध कस्तो भयो ?

यो अध्ययनमा करिब ४५ प्रतिशत मानिसले सम्बन्ध टुटेको बताए भने ५५ प्रतिशतले चाहिँ फोनमा जासूसी गरेपछि पनि सम्बन्ध कायमै रहेको बताएका थिए ।

फोन चेक गर्ने कार्यलाई बानी नबनाउनुहोस्

जीवनसाथीलाई जानकारी नदिई उनको फोनमाथि निगरानी राख्दै जाने हो भने समयक्रम बित्दै जाँदा बानीमा परिणत हुन सक्छ । यदि तपाईंमा यो बानी बढ्दै गएमा, नियन्त्रणभन्दा बाहिर गएमा यसले थप ग्रसित बनाउने छ ।

मनमा जीवनसाथीको हरेक पाइला – पाइला बारेमा जानकारी राख्ने तीव्र इच्छा हुन थाल्दछ ।


खबर ब्रेक संवाददाता
खबर ब्रेक संवाददाता
editor@khabarbreak.com
क्रियशन मिडिया एण्ड इमेन्ट म्यानेजमेन्ट प्रालिद्वार सञ्चालित खबरब्रेक डटकम हेटौँडाको पहिलो तथा लोकप्रिय अनलाईन पत्रिका हो ।