file photo

कात्तिक १७- बेलायतमा हरेक वर्ष लगभग ५० लाख मेट्रिक टन प्लास्टिकको फोहर निस्कने गरेको छ । त्यसमा एक तिहाइभन्दा पनि कम फोहर रिसाइकल हुन पाउँदैन ।

बेलायती कम्पनी पावर हाउस एनर्जीले यो फोहरबाट इन्धन बनाउने र त्यसको उपयोग हाइड्रोजन कारका लागि हुने जनाएको छ ।

प्लास्टिकबाट बनेका पदार्थलाई साना टुक्रा गराइने र त्यसलाई ८१५ डिग्री सेल्सियसको तापक्रममा तताउने काम गरिन्छ । यसले सिन्थेटिक ग्यासको उत्पादन गर्छ । त्यो हाइड्रोजन, मिथेन र कार्बन मोनोअक्साइडको मिश्रण हो ।

कम्पनीका अनुसार, सिन्थेटिक ग्यासलाई बालेर बिजुली उत्पादन गर्न सकिन्छ । अथवा यसबाट हाइड्रोजन अलग्याएर वाहनहरूमा इन्धनका रूपमा उपयोग गर्न सकिन्छ ।

हाइड्रोजन इन्धन सेल भएका वाहन इलेक्ट्रिक मोटरबाट सञ्चालित हुन्छन् । सेललाई हाइड्रोजन र अक्सिजनको आपूर्ति हुन्जेल बिजुली उत्पन्न हुन्छ ।

ब्याट्रीबाट चल्ने कारहरूको तुलनामा हाइड्रोजन इन्धनयुक्त कारका दुई फाइदा हुन्छन् । पहिलो, कारलाई लामो दूरीसम्म ड्राइभ गराउन सकिन्छ । दोस्रो, इन्धन राख्न केही समय मात्र लाग्छ भने ब्याट्रीलाई चार्ज गर्न घन्टौं लाग्छ ।

पावर हाउस एनर्जीका सीईओले यातायातका लागि हाइड्रोजन राम्रो इन्धन भएको बताए । ठूला ट्रक र बसहरूका लागि भविष्यमा यस्तै इन्धन उपयोग गरिने उनको भनाइ छ ।

हाइड्रोजन फ्युल स्टेसन अहिले निकै कम छ र टाढा टाढा छ । बेलायतमा यस्ता स्टेसन २० भन्दा पनि कम छन् ।

-एजेन्सी


खबर ब्रेक संवाददाता
खबर ब्रेक संवाददाता
editor@khabarbreak.com
क्रियशन मिडिया एण्ड इमेन्ट म्यानेजमेन्ट प्रालिद्वार सञ्चालित खबरब्रेक डटकम हेटौँडाको पहिलो तथा लोकप्रिय अनलाईन पत्रिका हो ।