साउन ३- संसारभरी फेसएपको धूम मच्चिएको छ । यो एपबाट आफ्नो बुढेशकालको सम्भावित तस्बिर मानिसहरु हेरिरहेका छन् । सामाजिक सञ्जालमा फेसएपको तस्बिर अन्धाधुन्द पोष्ट भइरहेका छन् ।

यो एपले कुनै पनि व्यक्तिको तस्बिर कृतिम तरिकाले बदलेर बुढो देखाउने गरेको छ। तर हामीलाई आफ्नो बुढेशकालको तस्बिरले जति रोमान्चित पारिरहेको छ एपले खतरा निम्त्याउने भन्दै चिन्ता पनि व्यक्त गरिएको छ ।

यह रूसी ऐप हो । जब हामी एपमा तस्बिर बदल्नका लागि पठाउँछौँ यो फेसएप सर्वरसम्म जान्छ र फेसएप यूजर्सको तस्बिर छानेर अपलोड गर्छ । यसमा परिवर्तन कृतिम इन्टेलिजेन्समार्फत गरिन्छ । यसमा सर्वरको प्रयोग हुन्छ र एपमार्फत नै तस्बिर खिच्नुपर्छ ।

तर यो एपलाई हामीले मात्र एक तस्बिर दिइरहेका छैनौँ कि अरु धेरै कुरा पनि दिइरहेका छौँ । तस्बिरको निजी प्रयोग भइरहेको जस्तो लागे पनि यसको सार्वजनिक प्रयोग पनि हुन सक्ने सम्भावना छ । यो एपले मोबाइलमार्फत अनेकन सूचना हासिल गर्न सक्छ र पछि त्यसलाई विज्ञापनमा प्रयोग गर्न सकिन्छ ।

यसलाई मार्केटिङको हतियारका रुपमा पनि हेर्न थालिएको छ । कतिपय मानिसहरु यो कुराको चिन्ता गरिरहेका छन् कि यो एप मोबाइलमा रहेका सबै तस्बिरसम्म पुग्न सक्छ । धेरैले यो पनि दाबी गरेका छन् कि ऐप खोले लगत्तै इन्टरनेटमा सबै तस्बिर अपलोड हुन थाले ।

फेसपएलाई लिएर अमेरिकी सीनेटमा पनि चिन्ता व्यक्त गरिएको छ । सीनेटमा अल्पसंख्यक नेता चक शुमर ले फेसएपको जाँचको माग गरेका छन् । ट्विटरमा पोस्ट गरिएको पत्रमा शुमरले लेखेका छन्, ‘यो अति चिन्ताजनक विषय हो । अमेरिकी नागरिकको निजी डाटा विदेशी शक्ति हासिल गरिरहेका छन् । ’

तर यो चिन्ता फेसएपले ठाडै अस्वीकार गरेको छ । यो एप सेन्ट पीटर्सबर्ग स्थित कम्पनी वायरलेस लैबको हो । यो कम्पनीको दाबी छ कि मानिसहरुको तस्बिर स्थायी रूपमा स्टोर गरिँदैन ।


खबर ब्रेक संवाददाता
खबर ब्रेक संवाददाता
editor@khabarbreak.com
क्रियशन मिडिया एण्ड इमेन्ट म्यानेजमेन्ट प्रालिद्वार सञ्चालित खबरब्रेक डटकम हेटौँडाको पहिलो तथा लोकप्रिय अनलाईन पत्रिका हो ।