युभेन्टस चाम्पियन्स लिगबाट बाहिरिएको छ ।गएराती सम्पन्न च्याम्पियन्स लिगको क्वाटरफाइनलको दोस्रो लिगमा अयाक्ससँग २-१ गोल अन्तरले पराजित भएसंगै समग्रमा ३-२ गोल अन्तरले पराजित हुदै च्याम्पियन्स लिगबाट बाहिरिएको हो ।
अयाक्सको जितमा भान डी बीक र डी लाइटले एक एक गोल गरेका थिए भने युभेन्टसका लागि एक गोल क्रिस्टियानो रोनाल्डोले गरेका थिए ।रोनाल्डोले खेलको ३४औ मिनेटमा गोल गर्दै युभेन्टसलाई सुरुवाती अग्रता दिलाए पनि अयाक्सले उत्कृष्ट कमब्याक गर्दै खेल जितेको थियो । अयाक्सका लागि खेलको ३४औ मिनेटमा डी बिक र ६७औ मिनेटमा डी लाइटले गोल गरेका थिए ।
यसै सिजनमा रियल म्याड्रिडबाट युभेन्टसआएका रोनाल्डो पछिल्लो ४ बर्षमा पहिलो पटक च्याम्पियन्स लिगमा फाइनल नपुगी बाहिरिएका छन् ।यो जितसँगै अयाक्स प्रतियोगिताको सेमिफाइनलमा पुगेको छ । सेमिफाइनलमा अयाक्सले टोटनह्याम र म्यानचेस्टर सिटीबीचको विजेतासँग खेल्ने छ ।
प्रतिक्रिया दिनुहोस्