४३ वर्षका राहुल महाजनले आफूभन्दा १८ वर्ष कान्छी मोडल नाताल्या लिनासँग तेस्रो विवाह गरेका छन् । कजाकिस्तानमा बस्ने नताल्या २५ वर्षकी हुन् । उनको तेस्रो विवाहमा उनकी दोस्री पूर्वपत्नी डिम्पी गांगुलीको प्रतिक्रिया सार्वजनिक भएको छ ।

 

एक अन्तर्वार्ताको क्रममा जब डिम्पीलाई राहुलले तेस्रो विवाह गरे भनेर जानकारी दिइयो तब सबैभन्दा पहिला उनी अचम्मित भइन् र हाँसिन् ।

यद्यपी, पछि उनीले सिरियस भएर भनिन्, ‘मलाई यो कुराले खुसी छ । आशा गर्छु कि यसपटक उनको चारैतर्फ खुसी हुनेछ, जस्तै मैले पाइरहेकी छु । नवविवाहित जोडीलाई धेरैभन्दा धेरै शुभकामना ।’

डिम्पीलाई विश्वास गर्ने हो भने राहुलसँग अब उनको कुनै मनमुटाव छैन । उनी राहुललाई आशावादी बताउँदै भन्छिन्, ‘मलाई थाहा छ कि विवाह टुट्दा मानिसमाथि कस्तो प्रभाव पर्छ । त्यसमाथि उहाँको (राहुल) त दुईपटक टुट्यो । यति हुँदा हुँदै पनि उहाँ यसमा विश्वास राख्नुहुन्छ जसले बताउँछ कि उहाँ साँच्चै नै आशावादी हुनुहुन्छ ।’

डिम्पीले आशा जगाउँदै थपिन्, ‘हुनसक्छ कि उनी (राहुलकी नयाँ श्रीमती) सँग यस्तो (महिला हिंसा) नहोस् । मानिसहरु परिवर्तन पनि हुनसक्छन् । दुबैलाई मेरो यही कामना छ कि उनीहरुबीच यस्तो केही नहोस् । किनभने यो निकै नराम्रो कुरा हो ।’

खबर ब्रेक संवाददाता
खबर ब्रेक संवाददाता
editor@khabarbreak.com
क्रियशन मिडिया एण्ड इमेन्ट म्यानेजमेन्ट प्रालिद्वार सञ्चालित खबरब्रेक डटकम हेटौँडाको पहिलो तथा लोकप्रिय अनलाईन पत्रिका हो ।