२० मंसिर । इंग्लिस प्रिमियर लिग फुटबलमा टोटनह्यामले साउथह्याम्पटनलाई पराजित गरेको छ ।

बिहिवार बिहान भएको खेलमा आफ्नै घरेलु मैदानमा टोटनह्यामले साउथह्याम्पटनलाई ३–१ गोलअन्तरले पराजित गरेको हो । टोटनह्यामको जितमा ह्यारी केन, लुकास मौरा र सोन हेउङ मिनले गोल गरे । साउथह्याम्पटनका लागि भने चार्ली औष्टिनले गोल गरेका थिए ।

खेलको नवौं मिनेटमा नै केनले गोल गर्दै टोटनह्यामलाई सुरुवाती अग्रता दिलाएका थिए । पहिलो हाफमा एक गोलले अघि रहेको टोटनह्यामले दोस्रो हाफमा थप दुई गोल गर्यो ।खेलको ५१औं मिनेटमा लुका र खेलको ५५औं मिनेटमा हेउङ मिनले गोल गर्दै टोटनह्यामलाई ३–० गोलको अग्रता दिलाएका थिए ।

तर अन्तिम समयमा साउथह्याम्पटनका चार्लीले गोल गर्दै ३–१ गोलको स्थितिमा पु¥याएका थिए । जितसँगै टोटनह्यामले १५ खेलबाट ३३ अंक बनाएको छ ।

खबर ब्रेक संवाददाता
खबर ब्रेक संवाददाता
[email protected]
क्रियशन मिडिया एण्ड इमेन्ट म्यानेजमेन्ट प्रालिद्वार सञ्चालित खबरब्रेक डटकम हेटौँडाको पहिलो तथा लोकप्रिय अनलाईन पत्रिका हो ।