मकवानपुरको चार विद्यालयका बालबालिकालाई खाद्यान्न सामग्री वितरण गरिएको छ । हिमालयन मानवअधिकारकर्मी समुह(हिमराइट्स) मकवानपुरको आयोजना तथा कोर इन्टरनेशनल क्यानडाको सहयोगमा सिमान्तकृत समुदायको शिक्षा तथा नेतृत्व विकास कार्यक्रम अन्तरगत खाद्यान्न वितरण गरिएको हो ।

सिमान्तकृत बालबालिकाहरुका लागि मासिक रुपले प्रदान गरिने खाजा वापतको रकमबाट खाद्यान्न सामाग्री खरिद गरी वितरण गरिएको हिमराइट्स मकवानपुरकी कार्यक्रम संयोजक कुमारी वाईबाले बताईन् ।

कार्यक्रमबाट राक्सीराङ्ग गाउँपालिकाको सुर्योदय माध्यमिक विद्यालय र प्रजा जागृती बिद्यालय तथा मनहरी गाउँपालिकाको सगरमाथा आधारभुत विद्यालय र प्रजा आधारभुत विद्यालयका सिमान्तकृत समुदायका विद्यार्थी लाभान्वित भएका छन् । चार विद्यालयका गरी ८० जना चेपाङ्ग बालबालिकालाई खाद्यान्न सामाग्रीहरु दाल, चामल, दाल, तेल र नुनलगायत सामाग्री वितरण गरिएको हिमराइट्सले जनाएको छ ।

सुर्योदय माध्यमिक विद्यालयमा प्रधानध्यापक काजीराम मुक्तानको अध्यक्षता तथा राक्सीराङ्ग वडा नम्बर ३ का वडा अध्यक्ष बाबुलाल स्याङ्तानको प्रमुख आतिथ्यमा शुक्रबार कार्यक्रम भएको थियो । सगरमाथा आधारभुत विद्यालयमा प्रधानध्यापक खड्गबहादुर मुक्तानको अध्यक्षता तथा मनहरी वडा नम्बर ६ की महिला सदस्य राममायाँ प्रजाको प्रमुख आतिथ्यतामा शनिबार कार्यक्रम भएको थियो । त्यस्तै, मनहरी गाउँपालिका हाँडिखोलाको प्रजा आधारभुत विद्यालय र प्रजा जागृती बिद्यालयमा अध्ययनरत बालबालिकाहरुलाई आईतबार खाद्यान्न सामाग्री प्रदान गरिएको थियो ।

खबर ब्रेक संवाददाता
खबर ब्रेक संवाददाता
[email protected]
क्रियशन मिडिया एण्ड इमेन्ट म्यानेजमेन्ट प्रालिद्वार सञ्चालित खबरब्रेक डटकम हेटौँडाको पहिलो तथा लोकप्रिय अनलाईन पत्रिका हो ।