file photo

हेटौंडा,३ नम्बर प्रदेशका मुख्यमन्त्री डोरमणि पौडेलले पूँजीगत खर्चको काम सम्पन्न गराउन गाह्रो भएको बताउनुभएको छ । सार्वजानिक खरिद ऐनको प्रकृया झण्झटिलो भएका कारण पुँजीगत खर्च कम भएको उहाँको भनाई थियो ।

सार्वजानिक खर्च पुनरावलोकन आयोगसंग भएको छलफलमा मुख्यमन्त्री पौडेलले चालु खर्च हुने भएको भएपनि पुँजी खर्च कम भएको उहाँको भनाई छ । उहाँले अझैपनि बजेटको रकम छर्ने परम्परा नहटेको बताउनुभयो ।

अहिले पनि सयौंको संख्यमा साना साना योजनाहरुमा रकम विनियोजन गरिएको भन्दै यस्तो प्रकृया अन्त्य हुनुपर्ने बताउनुभयो । एकैपटक एउटा योजनामा खर्च भए काम सजिलो ढंगबाट सम्पन्न हुने उहाँको भनाई थियो । २ सय ५० बर्षसम्म एकात्मक शासन व्यवस्थाको परिपाटी नहटेकोमा उहाँको चिन्ता थियो ।

कार्यक्रममा आयोगका अध्यक्ष डा. डिल्लीराज खनालको टोलीसंग भएको छलफलमा भौतिक पूर्वाधार विकास मन्त्री केशब स्थापित, उद्योग, पर्यटन, वन तथा वातावरण मन्त्री अरुण नेपाल, आन्तरिक मामिला तथा कानुनु मन्त्री शालिकराम जम्कट्टेल, आर्थिक मामिला तथा योजना मन्त्री कैलाश ढुंगेल, प्रमुख सचिब आनन्दराज ढकाल, सचिब रमेश शिवाकोटी लगायत सहभागि हुनुहुन्थ्यो ।

खबर ब्रेक संवाददाता
खबर ब्रेक संवाददाता
[email protected]
क्रियशन मिडिया एण्ड इमेन्ट म्यानेजमेन्ट प्रालिद्वार सञ्चालित खबरब्रेक डटकम हेटौँडाको पहिलो तथा लोकप्रिय अनलाईन पत्रिका हो ।