हेटौँडा,९ चैत्र,
जितपुर सिमरा उपमहानगरपालिकाको सिमरा स्थित दुरसञ्चार चोकमा आज बिहान सवारी दुर्घटना हुँदा १ जनाको ज्यान गएको छ ।
सिमरा बाट पथलैया जाँदैगरेको ना ७ ख २३३९ नम्बरको ट्रिपरले हेटौडाबाट बिरगंज तर्फ आउँदै गरेको ना १९ प ३८४१ नम्बरको मोटरसाईकललाई ठक्कर दिँदा मकवानपुर मनहरी गाउपालिका २ का २६ बर्षिय लक्ष्मण लामाको घटनास्थलमै मृत्यु भएको हो ।
मोटरसाइकल पछाडी बसेका मनाहरिकै कर्मा लामालाई भने हात र खुट्टामा चोट लागेको जिल्ला प्रहरी कार्यालय बाराले जनाएको छ ।
घाईते लामाको अल्पाईन अस्पताल सिमरामा उपचार भैरहेको प्रहरीले जनाएको छ । ठक्कर दिने ट्रिपर र चालक ईलाका प्रहरी कार्यालय सिमराले नियन्त्रणमा लिएको छ ।
प्रतिक्रिया दिनुहोस्
कमेन्टहरु बन्द गरिएको छ ।