चैत ४ – सुर्खेतमा ट्रयाक्टर दुर्घटना हुँदा एकजनाको ज्यान गएको छ ।
पश्चिम बड्डीचौरबाट वीरेन्द्रनगर आउँदै गरेको भे १ त ८४९० नम्बरको ट्रयाक्टर बराहाताल गाउँपालिका–८, दमारेमा दुर्घटना हुँदा वीरेन्द्रनगर–१, का १४ वर्षीय आशिष नेपालीको ज्यान गएको प्हरीले जनाएको छ ।
जिल्ला प्रहरी कार्यालयका अनुसार ट्रयाक्टर दुर्घटनामा दुई जना घाइते भएका छन् । दैलेखको गुराँस गाउँपालिका–१, घोडाबासका २८ वर्षीय जिते नेपाली गम्भीर घाइते र बराहाताल गाउँपालिका–२, सुर्खेतका १४ वर्षीय क्षितिज विष्ट समान्य घाइते भएको प्रहरीले जनाएको छ ।
प्रहरीका अनुसार ट्रयाक्टर अनियन्त्रित भई दुर्घटना भएको थियो । सुर्खेतमा उपचार हुन नसकेपछि जिते नेपालीलाई काठमाडौँ रिफर गरिएको प्रहरीले जनाएको छ ।
प्रतिक्रिया दिनुहोस्
कमेन्टहरु बन्द गरिएको छ ।