अब वाम गठबन्धन तोड्ने प्रयासहरु काम नलाग्ने : केपी ओली

‘प्रचण्डजीले सार्वजनिक रुपमै भनिसक्नुभयो उहाँलाई बोलाएर पाँच वर्ष प्रधानमन्त्री दिने प्रस्ताव गरिएको छ’, ओलीले भने,‘यो उहाँलाई माया गरेको हो? देश बनाउन खोजेको हो? केहि होइन यो विथोल्न खोजिएको हो, विगार्न खोजिएको हो।’ओलीले अब वाम गठबन्धन तोड्ने प्रयासहरु काम नलाग्ने दावी गरे। ‘गठबन्धन तोड्ने प्रयासहरु काम लाग्दैनन्, जनताले हामीलाई देश बनाउने अभिभारामात्र होइन हैसियतपनि दिएका छन्’, उनले भने,‘त्यो हैसियतलाई बिर्सिएर हामीले गलत बाटो समात्न सम्भव छैन।’

वाम गठबन्धनले कम्तिमा ६ वटा प्रदेशसमा सहज रुपमा सरकार बनाउने भन्दै ओलीले सहि आर्थिक निति तयार पारेर देश विकास गरिने बताए।