१० पुष,दयाहाङ राई र प्रियंका कार्कीको मुख्य भूमिका रहेको चलचित्र ‘हेप्पी डेइज’ को ट्रेलर सार्वजनिक भएको छ।चलचित्र निर्माण युनिटले क्रिसमसको अवसर पारेर दर्शकलाई सप्राइज उपहार दिएको बताएको छ। क्रिसमसकै दिन सोमबार फिल्मको ट्रेलर सार्वजनिक भएको हो।
जम्मा २ मिनेट ९ सेकेन्डको भिडियोमा अधिकांश दृश्य बेलायतको देखाइएको छ। फिल्ममको ट्रेलरमा प्रमुख भूमिकामा देखिएका दयाहाङ र प्रियंकालाई नै प्राथमिकता दिइएको छ भने सञ्जय गुप्ता, जेनिशा लिम्बु र बिक्की जोशी पनि ट्रेलरमा देखिएका छन्।
त्रिकोणत्मक प्रेम कथामा आधारि रहेको हेप्पी डेइज को ट्रेलरमा प्रियंकलाले रोड क्रस गरेको साहसिक दृश्यलाई पनि प्रस्तुत गरिएको छ। बेलायतका सुन्दर दृश्य देख्न सकिने ट्रेलरमा एक्सनलाई प्राथमिकताका साथ प्रस्तुत गरिएको छ।
फिल्मममा दया र प्रियंकका साथमा सञ्जय गुप्ता, बिक्की जोशी, जेनिशा लिम्बु, मोनिका, रुपा पुन आदिको प्रमुख भूमिका रहेको छ। फिल्मको निर्देशन मिलन चाम्सले गरेका छन्।
प्रतिक्रिया दिनुहोस्
कमेन्टहरु बन्द गरिएको छ ।