हेटौँडा,४ पुस,
मकवानपुरको मनहरी गाउँपालिका बाट एक सय किलो गाँजा र एक थान भरुवा बन्दुक सहित एकजना पक्राउ परेका छन् ।
इलाका प्रहरी कार्यालय मकवानपुरबाट खटिएको प्रहरी टोलीले एक सय किलो गाँजा र एक नाल भरुवा बन्दुक सहित मनहरी गाउँपालिका वडा नंबर ६ रुपाचुरीबाट सेतेलाल थिङलाई पक्राउ गरेको हो ।
थिङको घरमा गाँजा र हतियार रहेको भन्ने सूचनाको आधारमा उनको घरमा खनतलासी गर्दा गाँजा र बन्दुक सहित उनलाई पक्राउ गरिएको हो । पक्राउ पछि आज हेटौँडामा पत्रकार सम्मेलनको आयोजना गर्दै मकवानपुरका प्रहरी प्रमुख विकासराज खनालले आफुहरु लागु आँैषध मुक्त जिल्ला बनाउने अभियानमा सक्रिय भएर लागेको बताए ।
प्रतिक्रिया दिनुहोस्
कमेन्टहरु बन्द गरिएको छ ।