४ पुष,बंगलादेशमा जारी अन्डर १५ महिला फुटबल च्याम्पियनसिपमा नेपाल भारतसँग १०-० गोल अन्तरले पराजित भएको छ ।
मंगलबार भएको खेलमा नेपाल भारतसँग ठुलो गोल अन्तरले पराजित भएसँगै नेपाल प्रतियोगिताबाट बाहिरिएको छ । पहिलो खेलमा आइतबार नेपाल बंगलादेशसँग ६–० ले पराजित भएको थियो ।
प्रतियोगितामा भारत र बंगलादेश एक खेलअघि नै फाइनल पुगेका छन् । आजै भएको अर्को खेलमा आयोजक बंगलादेशले भुटानलाई ३–० ले हराएको थियो । भुटान पहिलो खेलमा भारतसँग ३–० ले पराजित भएको थियो ।
समान २ खेल जितेका बंगलादेश र भारत फाइनल प्रवेश गर्दा दुवै खेल हारेका नेपाल र भुटान च्याम्पियनसिपबाट बाहिरिएका छन् । च्याम्पियनसिपबाट बाहिरिएका नेपाल र भुटानबीच प्रतिस्पर्धा हुने छ ।
प्रतिक्रिया दिनुहोस्
कमेन्टहरु बन्द गरिएको छ ।