१ पुस ,प्रतिनिधिसभा र प्रदेशसभा निर्वाचनको अन्तिम मत परिणाम आउने क्रमजारी रहेको छ । प्रत्यक्षतर्फको अन्तिम मत परिणाम आएको ४ दिन बितिसकेको छ ।
समानुपातिक तर्फको मत गणना अहिले भइरहेको छ । शनिवार विहान ८ः४५ सम्मको मतपरिणाम अनुसार नेपाली कांग्रेस नेकपा एमाले भन्दा ६२ हजार मतले पछि छ । एमालेले ३१ लाख ३० हजार मत ल्याउँदा कांग्रेसले ३० लाख ६८ हजार मत ल्याएको छ ।
तेस्रो स्थानमा रहेको माओवादी केन्द्र १२ लाख ७४ हजार मत ल्याएको छ । कुल १ करोड ५ लाख मत मध्ये हालसम्म ९३ लाख मत गणना भइसकेको निर्वाचन आयोगले जनाएको छ ।
चौथो स्थानमा संघिय समाजवादी फोरम र पाँचौ स्थानमा राजपा नेपाल रहेका छन् । विवेकशिल साझा, राप्रपा, राप्रपा प्रजातान्त्रीक लगायत अन्य दलले ३ प्रतिशत मत कटाउन नसक्ने देखिएको छ ।
प्रतिक्रिया दिनुहोस्
कमेन्टहरु बन्द गरिएको छ ।