१ पुस । सलमान खान र कटरिना कैफ स्टारर फिल्म ‘टाइगर जिन्दा है’ आगामी शुक्रबारबाट रिलिज हुँदैछ । ‘एक था टाइगर’को सिक्वेल यो फिल्मले रिलिज अगावै थुप्रै रकेर्ड बनाएको छ ।यो फिल्मको पहिलो गीत ‘स्वाग से स्वागत’ युट्युबमा करिब १०० मिलियन पटक हेरिएको छ । यो आफैमा रेकर्ड हो । यस्तै फिल्मको ट्रेलर पनि बलिउडको सबैभन्दा बढी हेरिएको ट्रेलर हो । यो आफैमा फिल्मका लागि ठूलो उपलब्धी हो ।
रिलिज अगाडी रेकर्ड बनाएको यो फिल्मले रिलिज पछि कस्तो व्यापार गर्ला ? धेरैको प्रतिक्षाको बिषय बनेको छ । यो बर्ष ‘गोलमाल अगेन’ले सबैभन्दा ठूलो ओपनीङ (३० करोड) गरेको थियो । यो रकेर्ड ‘टाइगर जिन्दा है’ ले तोड्ने अनुमान गरिएको छ । ‘गोलमाल अगेन’ २०१७ मा सबैभन्दा चाँडो १०० करोडको आँकडा पार गर्ने फिल्म हो ।
यो फिल्मले ५ दिनमा १०० करोडको आँकडा पारेको । अब सलमानको फिल्मले कति दिनमा कमाउला ? यो विषय बलिउडमा चर्चामा रहेको छ ।अहिलेसम्म सलमानको सबैभन्दा धेरै कमाउने फिल्म ‘बजरंगी भाईजान’ हो । जुन फिल्मले ३२० करोड कमाएको थियो । कटरिनाको फिल्म ‘धुम ३’ ले २७४ करोड कमाएको थियो । यो नै कटरिनाको सबैभन्दा बढी कमाएको थियो । सलमान र कटरिनाले आफ्नै रेकर्ड तोड्लान त ? केही दिन प्रतिक्षा गरौं । एजेन्सी
प्रतिक्रिया दिनुहोस्
कमेन्टहरु बन्द गरिएको छ ।