बलिउड सुपरस्टार अक्षय कुमारको आगामी फिल्म प्याडम्यानको ट्रेलर शुक्रवार सार्वजनिक गरिएको छ । फिल्ममा अक्षयसँगै राधिका आप्टे र सोनम कपूरको पनि प्रमुख भूमिका छ । आर बाल्कीले फिल्म निर्देशन गरेका हुन् ।
प्याडम्यानको एक दृश्यमा अक्षय आफैंले प्याड लगाउने कोशिश गरेको देखिन्छ । ट्रेलरको शुरुवात अमिताभ बच्चनको आवाजका साथ हुन्छ । त्यसमा उनले प्याडम्यानको परिचय दिएका छन् ।
अमिताभ भन्छन्, ‘अमेरिकासँग सुपरम्यान, ब्याटम्यान र स्पाइडरम्यान छ तर भारतसँग प्याडम्यान छ ।’
फिल्म प्याडम्यान तमिलनाडुका अरुणाचलम मुरुगनाथमको जीवनीमा आधारित छ । फिल्ममा अक्षय सामाजिक कार्यकर्ताको भूमिकामा देखिनेछन् ।
अक्षयले फिल्ममा रजस्वला भएका महिलाको समस्याका विषयमा जागरुकता जगाउने काम गर्छन् ।
फिल्ममा महिलाहरूका लागि स्यानिटरी न्यापकिन बनाउने मशिनको आविष्कार गरेर ग्रामीण इलाकामा जागरुकता फैलाउनका लागि मुरुगनाथमले गरेको संघर्ष देखाइनेछ ।
हेरौं ट्रेलर :
प्रतिक्रिया दिनुहोस्
कमेन्टहरु बन्द गरिएको छ ।