मंसिर २९ – इन्टरनेट सर्च इन्जिन गुगलले उसको वार्षिक फिचर ‘इयर इन सर्च’ सार्वजनिक गरेको छ । गुगलमा यो वर्ष हलिउडबाट सुरु भएको यौनदुर्व्यवहारका बारेमा बोल्ने क्रम र त्यससँग जोडिएका व्यक्तिलाई विश्वभरबाट गुगलमा खोजिएका व्यक्तिको सूचिमा पारेको छ । /https%3A%2F%2Fblueprint-api-production.s3.amazonaws.com%2Fuploads%2Fcard%2Fimage%2F675741%2F91ecbf2a-3311-4841-9386-b8a233567e74.jpg)
सन् २०१७ मा गुगलमा सबै भन्दा बढी खोजिएका व्यक्तिको सूचिको शीर्ष स्थानमा अमेरिकी टेलिभिजन नेटवर्क एनबिसीको ‘टुडेज शो’ का पूर्व सञ्चालक म्याट लाउर परेका छन् । म्याटमाथि सहकर्मीलाई यौनदुर्व्यवहार गरेको आरोप लागेको थियो । यहि क्रममा एनबिसीले उनलाई बर्खास्त गरेको थियो ।
गुगलमा विश्वभरबाट सर्वाधिक खोजी गरिएका व्यक्तिको सूचिमा अमेरिकी अभिनेत्री मेगन मर्केल परेकी छन् । बेलयाती राजकुमार ह्यारीसँग इनगेजमेन्ट भएपछि मर्केलको बढी खोजी भएको हो । यस्तै तेस्रो स्थानमा इटालियन टेलिभिजन प्रस्तोता नाडिया तोफाको नाम छ ।
यस्तै चौथो नम्बर धेरै हलिउड अभिनेत्रीमाथि यौनदुर्व्यहार गरेको आरोप लागेका हार्बी वाइनस्टिन रहेका छन् । यस्तै केविन स्पाइस पाँचौं, गल गडट छैटौं, मिलानिया ट्रम्प सातौं, फ्लोड मेवेदर आठौं, माइकल फ्लिन नवौं र फिलिप कोन्टिन्हो दशौं स्थानमा रहेका छन् । इंग्लिस क्लब लिभरपुलका खेलाडी कोन्टिन्हो शीर्ष १० मा पर्ने एकमात्र फुटबलर हुन् ।
प्रतिक्रिया दिनुहोस्
कमेन्टहरु बन्द गरिएको छ ।