हेटौँडा,२९ मंसिर,
हेटौँडा उपमहानगरपालिकासँगै जोडिएको मकवानपुर गढी गाउँपालिका वडा नंबर ३ मक्रान्चुलीमा अन्तराष्ट्रि स्तरको फुटसल मैदान निर्माण हुने भएको छ ।
विश्व फुटबल संघ फिफाको सहयोगमा निर्माण हुने फुटसल मैदानको आज एक समारोहबिच शिलान्यास भएको छ ।
अखिल नेपाल फुटबल संघ (एन्फा) का वरिष्ठ उपाध्यक्ष मणीकुमारले शिलान्यास गर्दै विश्वमा लोकप्रिय हुँदै गरेको फुटसलले मकवानपुरमा पनि राम्रो प्रगति गर्ने बताए ।
गढी स्पोटर्स क्लव र भानु माविको आयोजनामा शिलान्यास कार्यक्रम भएको हो । ग्लोबल टेन्डर लेभन्टा ईटालीयन कम्पनीको सहयोग र दक्षिण एशियाली देश हेर्ने साईन्टोकोस स्पोटर्स प्राइभेट लिमिटेडको प्राविधिक सहयोगमा करीव ३ करोड १५ लाखको लागतमा फुटसल निर्माण हुने जनाईएको छ ।
। एक महिना भित्रमा फुटसल मैदान निर्माण हुने जनाइएको छ ।
भानु मावि विद्यालय व्यवस्थापन समिति अध्यक्ष खिलप्रसाद चौलागाईको सभाध्यक्षतामा भएको शिलान्यास कार्यक्रममा मकवानपुरगढी ३ का वडा अध्यक्ष भागवत घिमिरे, मकवानपुर जिल्ला फुटबल संघका अध्यक्ष राजेन्द्र श्रेष्ठ,भानु माविका प्रधानाध्यापक ध्रुव भुजेल,पूर्व प्रधानाध्यापक कृष्ण पोखरेल,रानी सामुदायिक वन उपभोक्ता समूहका अध्यक्ष कृष्ण विडारी,मनकामना दुग्ध उत्पादक सहकारी संस्था अध्यक्ष तेजप्रसाद लम्साल लगाएतको सहभागिता रहेको थियो ।
प्रतिक्रिया दिनुहोस्
कमेन्टहरु बन्द गरिएको छ ।