हेटौँडा,२३ मंसिर
हेटौँडामा जारी प्रतिनिधि तथा प्रदेशसभा निर्वाचनको मत गणनाको अहिले सम्मको नतिजा अनुसार मकवानपुरको क्षेत्र नंबर १ बाट वाम गठवन्धनका एमाले उम्मेद्वार कृष्ण दाहाललले अग्रता कायम रहेको छ । दाहाल राप्रपाका कमल थापा भन्दा चार हजार १ सय ५६ मतले अगाडी बढेका छन् ।
हालसम्मको परिणाममा दाहालले २३ हजार ३ सय २८ मत प्राप्त गर्दा थापाले १९ हजार १ सय ७२ मत प्राप्त गर्दै दाहाललाई पच्छाइरहेका छन् ।
पारम्परिक प्रतिस्पर्धीका रुमा रहेका थापा र दाहालको यो भिडन्तलाई निकै चर्चा र महत्वको साथ हेरिएको छ ।
यस अघि पनि ३ पटक आमने सामने भएका दाहाल र थापा यो पटकको भिडन्त पनि उत्तिकै रोचक बनेको छ । २०४८ र २०५६ को निर्वाचनमा दाहालले थापालाई पराजित गरेका थिए भने २०५१ को मध्यावदीमा थापाले दाहाललाई पराजित गरेका थिए ।
राप्रपाका केन्द्रीय अध्यक्ष समेत रहेका उपप्रधानमन्त्री थापा र दाहालको चुनावी भिडन्तले सुरुबाटैनै राष्ट्रिय रुपमा चर्चा समेत पाईराखेको छ ।
प्रतिक्रिया दिनुहोस्
कमेन्टहरु बन्द गरिएको छ ।