हेटौँडा, २३ मंसिर
शनिबार साँझ सम्पन्न भएको मकवानपुर प्रतिनिधिसभा निर्वाचन क्षेत्र नंबर २ अन्र्तगत प्रदेशसभा(ख) मा पराजय भोगेपछि वाम गठवन्धनको तर्फबाट एमालेका उम्मेद्वार राजाराम स्याङ्तानले विजयी उम्मेद्वार इन्द्रबहादुर बानीयाँलाई बधाई दिएका छन् ।
फेसबुक स्टाटस मार्फत बधाई दिँदै स्याङतानले आफु अग्रगमनको लागि जीवनभर लाग्ने धारणा ब्यक्त गरेका छन् । उनले लेखेका छन् : गत २१ गते भएको निर्वाचनमा सहभागी भएर मलाई मतदान गर्नु हुने सम्पूर्ण मतदाताहरुमा हार्दिक धन्यवाद दिन चाहन्छु। बिजयी हुनुभएका मेरा प्रतिश्पर्धी मित्र इन्द्र बानियालाइ हार्दिक बधाई तथा शुभकामना । निर्वाचनको क्रममा सहयोग गर्नु हुने सबै तह र तप्कामा रहनु हुने बामपन्थी सहयोद्दाहरुमा हृदय देखिनै सलाम छ। निर्वाचनमा पराजीत भए पनि म सधैं देश र जनताको परिवर्तनको खातिर लागिरहने छु। सधैं जनताको निकट रहेर दुख शुखमा साथ दिई रहने छु।यो देश लाई समृद्दी र अग्रमनको बाटोमा लानको लागी जीवन भर लागी पर्ने छु । लालसलाम
स्याङतानले सो क्षेत्रमा १७ हजार ८ सय ३४ मत ल्याएका थिए भने विजयी कांग्रेसका उम्मेद्वार १९ हजार २ सय ४५ मत प्राप्त गरेका थिए ।
प्रतिक्रिया दिनुहोस्
कमेन्टहरु बन्द गरिएको छ ।