मंसिर २१,नेकपा माओवादी केन्द्रका अध्यक्ष पुष्पकमल दाहाल प्रचण्डले चितवनको शान्तिपुर आधारभुत प्राविबाट मतदान गरेका छन् । चितवनको क्षेत्र नम्बर ३ बाट प्रतिनिधि सभाका लागि उम्मेदवार समेत बनेका प्रचण्डले शान्तिपुर आधारभुत प्राविबाट मतदान गरे सँगै सो बुथमा मतदान सुरु भएको छ । मतदानपछि संचारकर्मीसँग कुरा गर्दै अध्यक्ष प्रचण्डले सम्भव भएसम्म निर्वाचन क्षेत्र नम्बर ३ का सबै मतदान केन्द्र जाने प्रतिक्रिया दिएका छन् ।
दाहाल पत्नी सीता दाहाल र कान्छी छोरी गंगा दाहालले पनि सोही केन्द्रबाट मतदान गरेका छन् भने माइली छोरी भरतपुर महानगरपालिकाकी प्रमुख रेणु दाहालले निमावि सुन्दरबस्ती मतदान केन्द्रबाट मतदान गर्दैछन् । यसैगरी महानगरको वडा नं २७ जानकी मावि केन्द्रबाट राप्रपा प्रजातान्त्रिकका केन्द्रीय उपाध्यक्ष विक्रम पाण्डेले मतदान गर्दैछन् । उनले मतदान गरेको चितवन क्षेत्र नं ३ बाट पाण्डे लोकतान्त्रिक गठबन्धनको तर्फबाट प्रतिनिधिसभा सदस्य पदको उम्मेदवार छन् ।
प्रतिक्रिया दिनुहोस्
कमेन्टहरु बन्द गरिएको छ ।