लेबनान, मंसिर १९ । साउदी अरब गएको समयमा सुरक्षाको कारण देखाई लेबनानको प्रधानमन्त्रीको पदबाट राजीनामाको घोषणा गरेका साद हरिरिले आफ्नो राजीनामासम्बन्धी पूर्व अडानलाई मंगलबार फिर्ता लिएका छन् ।हरिरिले एक महिना पहिले नोभेम्बर ४ साउदी अरबको राजधानी रियादबाट टेलिभिजन सम्बोधनमार्फत प्रधानमन्त्रीबाट राजीनामा दिएका थियो । यद्यपि लेबनानी राष्ट्रपतिले हरिरिकोे राजीनामा स्वीकृत गरेका थिए ।‘राजीनामा फिर्ता लिन राष्ट्रपति मिसेल आउन तथा शुभेच्छुकले गरेको अनुरोध बमोजिम मैले राजीनामा फिर्ता लिएको छु’ प्रधानमन्त्री हरिरिले भने ।
प्रधानमन्त्रीको पदबाट दिएको राजीनामा रद्द गर्ने मेरो निर्णयलाई मन्त्रीपरिषद्को बैठकले स्वागत गर्दै धन्यवाद ज्ञापन गरेको छ, हरिरिले मन्त्रीपरिषद्द्वारा प्रधानमन्त्रीको आगमनपछि भएको जारी गरेको पहिलो वक्तव्य वाचन गर्दै सन्चारकर्मीलाई जानकारी गराए ।
हरिरिको राजीनामापछि हरिरिलाई साथ दिँदै आएको साउदी अरब र यसको प्रतिद्वन्दी इरानबीच तनाव देखिने अड्कलबाजी गरिएको थियो । हरिरिले आफ्नो राजीनामाका पछाडि तेहरान र यसको लेबनानी सहयोगी सशस्त्र हेजबुल्लाह समूहलाई देखाएका थिए । रासस र सिन्ह्वा
प्रतिक्रिया दिनुहोस्
कमेन्टहरु बन्द गरिएको छ ।